កំណាព្យស្នេហា "អ្នកព្រែកប្រសព្វសូមភា្ចប់និស្ស័យ"

(បទពាក្យ៨)
រំដួលមួយទងដែលបងស្រមៃ
ចង់រួមនិស្ស័យជាគូជីវិត
អូនគឺជាផ្កាក្រចេះដួងចិត្ត
បេះដូងបងពិតចង់ថ្នាក់ថ្នមថែ។
បងជាកម្លោះស្រុកព្រែកប្រសព្វ
សារភាពសូមភ្ជាប់គូគាប់នឹងស្នេហ៍
បើបានឮហើយត្រាណត្រើយមាសមេ
គិតយ៉ាងណាដែរ ព្រមទេពិសី។
ក្រចេះដូចគ្នា ពម្ងារឆោមស្និទ្ធិ
សូមអូនអាណិតដល់ចិត្តភក្តី
អ្នកព្រែកប្រសព្វ សូមភ្ជាប់និស្ស័យ
ក្រចេះថ្លើមថ្លៃ សូមស្រីមេត្តា។
ទន្លេមេគង្គ កោះទ្រង់ សក្សី
សូមចាំសម្តី ខ្ញុំស្បថសច្ចា
បើបានវមិត្តដូ​ចចិត្តប្រាថ្នា
ខ្ញុំថ្វាយភ្លេងការ បញ្ជាក់ស្នេហ៍ស្មោះ៕

និពន្ធដោយៈ យាន សំណាង

ថ្ងៃពុធ ទី១៦ ខែកុម្ភៈ ឆ្នាំ២០១១

រិះគន់ស្ថាបនាៈ yeansamnang@gmail.com

ឬទូរស័ព្ទៈ ០៩៦ ៩៩ ៣៤៣ ៩៦ ឬ ០៩៧ ៩៩ ៣៤៣ ៩៦

គេហទំព័រៈ http://ysnprofile.wordpress.com/ ឬ http://wacambodian.wordpress.com/

កំណាព្យស្ថាបនា “ទិវាគេសោះ តែអស់ឯង”

         កុំឱ្យដល់ម្ដងៗ                      កើតសៅហ្មងដល់ចិត្តកាយ។

០៧.   នេះជារឿងបុគ្គល                 ដែលចង់យល់ការសប្បាយ

         ទោះគេមិនខ្វល់ខ្វាយ          តែយើងស្ដាយព្រោះឃើញខុស។

០៨.    សូមអស់កូនចៅខ្មែរ              ទាំងក្រុងស្រែទាំងស្រីប្រុស

         ជួយឆ្លើយខ្ញុំផងចុះ                វប្បធម៌ច្នោះគួរទុកឬ?

០៩.    មិនមែនយើងស្អប់ទេ             តែភណ្ឌគេៗថែទៅ

         បើថាចង់ទុកនៅ                   ច្នៃឱ្យត្រូវហើយស្របយើង៕៚

និពន្ធដោយៈ យាន សំណាង (កវីហេងស៊យ)

ថ្ងៃ៩រោច ខែមាឃ ឆ្នាំម្សាញ់ បញ្ចស័ក ព.ស២៥៥៧ ត្រូវនឹងថ្ងៃសៅរ៍ ទី០៨ ខែកុម្ភៈ ឆ្នាំ២០១៤

រិះគន់ស្ថាបនាៈ yeansamnang@gmail.comឬទូរស័ព្ទៈ ០៩៦ ៩៩ ៣៤៣ ៩៦ ឬ ០៩៧ ៩៩ ៣៤៣ ៩៦

គេហទំព័រៈ http://samnanglaor.wordpress.com/ឬ http://wacambodian.wordpress.com/